Gaia IVF Clinic, რეპროდუქციული მედიცინისა და ინ ვიტრო განაყოფიერების მიმართულებით სპეციალიზებული კლინიკა, რომელიც საქმიანობას ახორციელებს საერთაშორისო პაციენტებთან და სთავაზობს მათ რეპროდუქციული ჯანმრთელობის თანამედროვე სერვისებს, აცხადებს ვაკანსიას ანესთეზიოლოგის პოზიციაზე.

ძირითადი მოვალეობები:

• პაციენტის წინასაოპერაციო ანესთეზიოლოგიური შეფასება;
• პაციენტის ჯანმრთელობის მდგომარეობისა და სამედიცინო ისტორიის გათვალისწინებით ანესთეზიის შესაბამისი მეთოდის შერჩევა;
• ანესთეზიის ჩატარება სამედიცინო პროცედურებისა და ქირურგიული ჩარევების დროს;
• პაციენტის სასიცოცხლო მაჩვენებლების უწყვეტი მონიტორინგი პროცედურის მიმდინარეობისას;
• პაციენტის უსაფრთხოებისა და კომფორტის უზრუნველყოფა პროცედურის წინ, მიმდინარეობისას და დასრულების შემდეგ;
• პოსტანესთეზიური მდგომარეობის შეფასება და საჭირო სამედიცინო დახმარების გაწევა;
• სამედიცინო დოკუმენტაციის წარმოება დადგენილი წესების შესაბამისად;
• კლინიკის სამედიცინო პერსონალთან ეფექტიანი თანამშრომლობა.

საკვალიფიკაციო მოთხოვნები:

• უმაღლესი სამედიცინო განათლება;
• ანესთეზიოლოგის შესაბამისი სპეციალობა და საქმიანობისთვის აუცილებელი მოქმედი სერტიფიკატი;
• ანალოგიურ პოზიციაზე მუშაობის გამოცდილება;
• პაციენტის უსაფრთხოების პრინციპებისა და კლინიკური პროტოკოლების ცოდნა;
• პასუხისმგებლობის მაღალი გრძნობა, ყურადღებიანობა და გუნდური მუშაობის უნარი.

ჩვენ გთავაზობთ:

• პროფესიულ და მხარდამჭერ სამუშაო გარემოს;
• თანამშრომლობას საერთაშორისო სამედიცინო ქსელის ფარგლებში;
• ანაზღაურებას კვალიფიკაციისა და გამოცდილების შესაბამისად.